جامعہ اسلامیہ مدینہ منورہ میں داخلہ کیسے حاصل کریں

وظیفہ یاب (غیر سعودی) طلبہ کے لیے گریجویشن کے مرحلے میں داخلے کی درخواست تعلیمی سال 1433-1434 کے لیے

مختصر تعارف

جامعہ اسلامیہ ایک سرکاری سعودی یونیورسٹی ہےجو مملکت سعودی عرب کی وزارت اعلی تعلیم کے ماتحت ہے، اس کا قیام سن 1381ہجری میں عمل میں آیا، اور یہ اپنے مقصد کے لحاظ سے ایک اسلامی عالمی اور ذمہ داری کے اعتبار سے عربی اور سعودی ادارہ ہے.
اس وقت جامعہ میں پانچ فیکلٹیز (کالجز) ہیں جو یہ ہیں:
1- شریعہ فیکلٹی .
اس کا مقصد اسلامی فقہ اور اس کے اصول پر توجہ دینا اور شرعی علوم نیز دیگر معاون علوم سے واقف کرانا ہے، اس فیکلٹی میں مندرجہ ذیل شعبے ہیں:
ا – شعبہء فقہ.
ب- شعبہء اصول فقہ.
ج- شعبہء قضاء وشرعی سیاست.
یہ فیکلٹی شرعی علوم میں گریجویشن ، قضاء وشرعی سیاست ميں اعلى ڈپلومہ اور تمام خصوصی مضامین میں ماسٹر اور ڈاکٹریٹ کی سندیں عطا کرتی ہے .
2- دعوت واصول دین فیکلٹی .
اس کا مقصد اسلامی عقیدے پر توجہ دینا اور شرعی علوم نیز دیگر معاون علوم سے واقف کرانا ہے، اس فیکلٹی میں مندرجہ ذیل شعبے ہیں:
ا – شعبہء عقیدہ.
ب- شعبہء دعوت.
ج- شعبہء اسلامی تاریخ.
د-شعبہء تربیت.
یہ فیکلٹی دعوت واصول دین میں گریجویشن ، دعوت ميں اعلى ڈپلومہ اور تمام خصوصی مضامین میں ماسٹر اور ڈاکٹریٹ کی سندیں عطا کرتی ہے .
3- قرآن کریم اور اسلامی علوم فیکلٹی .
اس کا مقصد قرآن مجید کے حفظ وتفسیر اور علوم قرآن مجید پر توجہ دینا اور شرعی علوم نیز دیگر معاون علوم سے واقف کرانا ہے، اس فیکلٹی میں مندرجہ ذیل شعبے ہیں: .
ا – شعبہء قراءات.
ب- شعبہء تفسیر.
یہ فیکلٹی قرآن کریم اور اسلامی علوم میں گریجویشن اور تمام خصوصی مضامین میں ماسٹر اور ڈاکٹریٹ کی سندیں عطا کرتی ہے .
4- حدیث شریف اور اسلامی علوم فیکلٹی .
اس کا مقصد سنت نبوی اور اس کے علوم پر توجہ دینا، ان کی خدمت کرنا اور شرعی علوم نیز دیگر معاون علوم سے واقف کرانا ہے، اس فیکلٹی میں مندرجہ ذیل شعبے ہیں:
ا – شعبہء فقہ.
ب- شعبہء فقہ ومصادر سنت.
ج- شعبہء علوم الحدیث.
یہ فیکلٹی حدیث شریف اور اسلامی علوم میں گریجویشن اور تمام خصوصی مضامین میں ماسٹر اور ڈاکٹریٹ کی سندیں عطا کرتی ہے.
5- عربی زبان كی فیکلٹی.
اس کا مقصد عربی زبان کے علوم وآداب پر توجہ دینا اور شرعی علوم نیز دیگر معاون علوم سے واقف کرانا ہے، اس فیکلٹی میں مندرجہ ذیل شعبے ہیں:
ا – شعبہء لغویات.
ب- شعبہء بلاغت وادب.
یہ فیکلٹی عربی زبان میں گریجویشن اور تمام خصوصی مضامین میں ماسٹر اور ڈاکٹریٹ کی سندیں عطا کرتی ہے.
ان فیکلٹیز کے علاوہ جامعہ میں یہ ادارے ہیں:ادارہء تدریس عربی زبان برائے غیر عرب طلبہ، سکنڈری اسکول،مڈل اسکول،دار الحدیث مکیہ اور دار الحدیث مدنیہ.

ظیفہ یاب طلبہ کو دی جانے والی خصوصی سہولیات

وظیفہ یاب طلبہ کو دی جانے والی خصوصی سہولیات
1. متعین قواعد کے مطابق طالب علم کے داخلے کے وقت اور ہر تعلیمی سال کے آخر میں سفر کے ٹکٹ کا انتظام
2. ماہانہ وظیفہ
3. ممتازطلبہ کے لئے نمایاں کارکردگی کا وظیفہ
4. فرنشڈ رہائش کا انتظام
5. علامتی فیس کے بدلے جامعہ کے ڈائننگ ہال میں کہانے کا انتظام
6. جامعہ کے دواخانے ( ہسپتال) میں طبی نگہداشت کا انتظام
7. متعین نظام الاوقات کے مطابق جامعہ سے مسجد نبوی تک نمازوں کے لئے آمد ورفت اور عمرے کے سفر میں بسوں کا انتظام
8. جامعہ کے ثقافتی ، تربیتی اور ورزشی سہولیات سے فائدہ اٹھانے کا اختیار

داخلے کی شرطیں

تعليمى وظيفے کے امیدوار کا ان شرطوں پر پورا اترنا ضروری ہے:
1- طالبعلم مسلمان اور اچھی سیرت وکردار کا مالک ہو
2- مملکت سعودی عرب یا بیرون مملکت سے عام سکنڈری اسکول یا اس کٍے مساوی سند یافتہ ہو
3- اس کی سکنڈری کی سند کسی سرکاری اسکول یا (جامعہ میں) منظور شدہ مدرسے کی ہو
4- سند حاصل کئے ہوے پانچ سال سے زیادہ کا عرصہ نہ گذرا ہو
5- جامعہ کے قواعد وضوابط کی پابندی کا عہد کرے
6- طبی لحاظ سےصحیح (تندرست) ہو
7- تعليمى وظيفے کے امیدوار کی عمر پچیس سال سے زیادہ نہ ہو
8- قرآن کریم کی فیکلٹی میں داخلے کا خواہش مند پورے قرآن کریم کا حافظ ہو
9- متعلقہ ادارے کی طرف سے ہونے والے امتحان یا انٹرویو میں کامیاب ہو
10- ہر اس شرط پر پورا اترے جو جامعہ کی مجلس لگائے
11- تعلیم کے لئے لازماً مکمل طور پر اپنے آپ کو فارغ رکھے
12- اگر سکنڈری کی سند مملکت سعودی عرب کی ہے تو قدرات عامہ کے امتحان کی سند بھی حاصل کرچکا ہو
وهدايات:
1- جامعہ میں داخلے کی درخواستیں قبول کرنے کے لئے دنیا بھر میں کہیں بھی جامعہ کا کوئی دفتر یا نمائندہ نہیں ہے، اسی طرح جامعہ اپنے ہاں داخلے کی درخواست دینے کی کوئی فیس بھی نہیں لیتا ہے
2- طالب علم کو چاہیے کہ وہ بذات خود درخواست پیش کرے، اور درخواست پیش کرنے کی کاروائی مکمل ہونے کے بعد دیے جانے والے نمبر کی حفاظت کی ذمہ داری بھی خود اٹھائے
3- جامعہ ایک علمی اور ثقافتی ادارہ ہے اس کا مقصد دعوت، گریجویشن اور اعلی (پوسٹ گریجویشن ) تعلیم ، علمی تحقیقی تالیفات کی تیاری ترجموں اور اشاعت، اور اسلامی میراث کی دیکھ بھال کے ذریعے اسلام کے پیغام کو پہنچانا ہے
4- جامعہ میں تعلیم عربی زبان میں ہوتی ہے
5- جامعہ میں داخلے کی صرف درخواست پیش کرنے سے طالب علم کے داخلے کے بارے میں جامعہ کی کوئی ذمہ داری نہیں ہوگی جب تک طالب علم کو داخلے کی اطلاع نہ دی جائے
6- داخلے کی درخواست میں درج معلومات پر اسی وقت بھروسہ کیا جا ئےگا جب ان کے ثبوت کے طور پر متعلقہ دستاویز بھی پیش کئے جائیں
7- جعلی دستاویز پیش کرنے والا سزا کا مستحق ہوگا اور اس کا داخلہ ختم کردیا جائے گا
8- جامعہ کے قوانین کی رو سے طالب علم کے پہنچنے کے بعد جامعہ اس کی تعلیمی سمت ( مرحلہ اور فیکلٹی وغیرہ ) متعین کرے گا
9- داخلہ شدہ طالب علم کو جامعہ کے ویب سائٹ سے، پھر متعلقہ ائیر لائنز سے رجوع کرنے پر ٹکٹ نمبر دیا جائے گا
10- جامعہ کے تعلیمی نظام اور متعلقہ قوانین سے واقفیت اور مسلسل باخبری منظور شدہ طالب علم کی ذمہ داری ہوگی
11- کاغذی اقرار ناموں، وعدوں اور تنبیہات کی طرع طالب علم اس کی الیکٹرانک فائل میں موجود تمام الیکٹرانک اقرار ناموں، وعدوں اور تنبیہات کا بھی پابند ہوگا اور استعمال کرنے والے کے
نام(user name) اور طالب علم کے خاص نمبر (pass word)کے ذریعے وقفے وقفے سے اس الیکٹرانک فائل سے رجوع کرتے رہنا بھی طالب علم کی ذمہ داری ہوگی، اسی طرح ان تمام الیکٹرانک معاملات کا بھی وہی حکم ہوگا جو طالب علم کے خاص استعمال کرنے والے کے نام سے کئے جائیں گے
12- وہ تمام اقرار نامے ، وعدے اور شرطیں جن سے طالب علم اس درخواست کے ذریعے واقف اور پابند ہورہا ہے وہ عربی زبان میں اس کی فائل میں رکھےجائیں گے

مطلوبہ کاغذات

مطلوبہ کاغذات یہ ہیں:
• سکنڈری کی تعلیمی سند
• سکنڈری کے درجات ( مارکس شیٹ)
• حسن سیرت وکردار کی سند
• پیدائش کی سند
• پاسپورٹ
• شناختی کارڈ
• (6*4) سائز کی ایک صاف اور تازہ فوٹو
• فوٹو لازماً کھلے سر، بغیر چشمے،اور سفید پس منظر کے ساتھ ہو
• اگلے لنک پر دیے گئے نمونے کے مطابق، کسی قابل اعتماد طبی مرکز سے دی گئی تازہ طبی رپورٹ، جو اعضاء اور حواس کے صحیح سالم ہونے اور متعدی بیماریوں میں مبتلا نہ ہونے کی وضاحت کرے یہاں دبائیے
• جس ملک میں طالب علم رہ رہا ہو اس کے کسی اسلامی ادارے یا جامعہ کی جانی پہچانی دو اسلامی شخصیات کے طرف سےدیے ہوے تعارفی خط جن میں طالب علم کے حالات ، نمازوں کے اہتمام اور اسلامی آداب کی پابندی کا بیان ہو
• (جو پیدائشی مسلمان نہ ہو اس کے لئے) اسلام میں داخل ہونے کی سند
-کاغذات کی فوٹوز منسلک کئے بغیر درخواست بھیجنا ممکن نہیں ہے
-درخواست مکمل ہوجانے اور اس کا نمبر مل جانے کے بعد اس میں تبدیلی نا ممکن ہے

درخواست پیش کرنے کے طریقہ کی توضیح  مندرجہ ذیل لنک میں ہے

http://admission.iu.edu.sa/HowToApplay.aspx

 
ویب سائٹ کےجملہ حقوق بحق ناشر عبدالحنان خان ۹۸۲۰۱۱۴۶۵۷محفوظ ہیں